UMUSAD si Eljay Pamisa ng Cagayan de Oro sa finals ng Asian Boxing Confederation (ASBC) Junior and Youth Championships sa Al Hossein Sports City sa Amman, Jordan.
Tinalo ng 17-anyos na si Pamisa si Nima Beygi ng Iran gamit ang epektibong counter attacks at footwork tungo sa gold medal showdown ngayon (Lunes) laban kay Anand Yadav ng India.
Ang bantamweight na si Mapisa, lumalaban sa 54 kg category, ay naging silver medalist sa Asian Junior Championships sa Al Fujaira, UAE noong 2019 sa 46 kg class.
Ang iba pang miyembro ng Philippine team ay sina junior boxers (15-16 yrs old) Robert Malunoc Jr. (46 kg), Justine Valero (48 kg) at Van Hendrich Abing (50 kg).
Habang ang youth boxers (16-17 yrs old) ay binubuo nina Reymond Lofranco (48 kg), John Wayne Vicera (51 kg) at Pamisa.
Kasama rin sa delegasyon sina coach Elmer Pamisa at Gerson Nietes, team manager si ABAP secretary-general Marcus Manalo, at 3-star international referee-judge Rolando Jose.
188 
